«Наша Парафія»

Парафія святого Архистратига Михаїла, Київ, Пирогів

 
БібліотекаМолитвиПравославний молитослов (церковнослов’янською мовою в українській транслітерації)

Тропарі, величання, кондаки, антифони прокімени, задостойники і причасні дванадцятих і величних свят

Різдво Пресвятої Богородиці

(8 вересня)

Тропар

Рождество Твоє, Богородице Діво, радость возвісти всей вселенній: із Тебе бо возсія Солнце правди, Христос Бог наш, і разрушив клятву, даде благословеніє, і упразднив смерть, дарова нам живот вічний.

Величання

Величаєм Тя, Пресвятая Діво, і чтем Святих Твоїх родителей, і всеславноє славим рождество Твоє.

Кондак

Іоаким і Анна поношенія безчадства, і Адам і Єва от тлі смертния свободистася, Пречистая, во святім рождестві Твоєм. То празднуют і людіє Твої, вини прегрішеній ізбавльшеся, внегда звати Ти: неплоди раждаєт Богородицу і Питательницу Жизні нашея.

Прокімен

Величит душа Моя Господа, і возрадовася дух Мой о Бозі, Спасі Моєм.

Замість Достойно:

Величай, душе моя, преславноє рождество Божія Матере.

Ірмос

Чужде матерем дівство, і странно дівам діторожденіє, на Тебі, Богородице, обоя устроїшася: тім Тя вся племена земная непрестанно величаєм.

Причастен

Чашу спасенія приіму і імя Господнє призову. Аллилуя.

Воздвиження Чесного Хреста Господнього

(14 вересня, день завжди пісний)

Тропар

Спаси, Господи, люди Твоя і благослови достояніе Твоє, побіди на сопротивния даруя, і Твоє сохраняя крестом Твоїм жительство.

Величання

Величаєм Тя, Живодавче Христе, і чтем Крест Твой Святий, імже нас спасл єси от работи вражія.

Кондак

Вознесийся на крест волею, тезоіменитому Твоєму новому жительству щедроти Твоя даруй, Христе Боже, возвесели силою Твоєю вірния люди Твоя, побіли дая їм на супостати, пособіє імущим Твоє оружіє мира, не/юб/димую побіду.

На літургії

Перший антифон

Стих 1. Боже, Боже мой, вонми ми, вскую оставил мя єси Молитвами Богородици, Спасе, спаси нас. Стих 2. Далече от спасенія моєго словеса гріхопаденій моїх.

Молитвами Богородици:

Стих 3. Боже мой, воззову во дні, і не услишиши; і в нощі, і не в безуміє мні. Молитвами Богородици: Стих 4. Ти же во святім живеши, хвало Ізраїлева. Молитвами Богородици:

Слава: І нині:

Молитвами Богородици, Спасе, спаси нас.

Другий антифон

Стих 1. Вскую, Боже, отринул ни єси до конца. Спаси ни, Сине Божий, плотію распнийся, поющия Ти: Аллилуя.

Слава: І нині: Кондак

Вознесийся на крест волею: тезоіменитому Твоєму новому жительству щедроти Твоя даруй, Христе Боже: возвесели силою Твоєю вірния люди Твоя, побіди дая їм на супостати пособіє імущим Твоє оружіє мира, непобідимую побіду.

Замість «Трисвятого» співається:

Кресту Твоєму покланяємся, Владико, і святоє воскресеніє Твоє славим.

Прокімен

Возносіте Господа, бога нашего, і покланяйтеся подножію ногу Єго, яко свято єсть.

Замість Достойно:

Величай, душе моя, пречестний крест Господень.

Ірмос

Таїн єси, Богородице, рай, невозділанно возрастивший Христа, Імже крестноє живоносноє на землі насадися древо: тім нині возносиму, поклоняющеся ему, Тя величаєм.

Причастен

Знаменася на нас світ лица Твоєго, Господи, дал єси веселіє в сердці моєм. Аллилуя.

Преставлення св. апостола і євангелиста Іоанна Богослова

(26 вересня)

На утрені: Тропар

Апостоле Христу Богу возлюбленне, ускори ізбавити люди безотвітни; приємлет тя припадающа, Іже падша на перси приємий: Єгоже моли, Богослове, і належащую мглу язиков разгнати, прося нам мира і велія милості.

Величання

Величаєм тя, святий апостоле Христов Іоанне Богослове, і чтем болізні і труди твоя, імиже трудился єси во благовістії Христові.

Кондак

Величія твоя, дівственниче, кто повість, точиши бо чудеса і ізливаєши ісціленія, і молишися о душах наших, яко Богослов і друг Христов.

На літургії

Тропар і Кондак, як на утрені

Прокімен

Во всю землю ізиде віщаніе їх і в конци вселенния глаголи їх.

Причастен

Во всю землю із йде вішаніє їх і в конци вселенния глаголи їх. Аллилуя.

Покров Пресвятої Богородиці

(1 жовтня)

Тропар

Днесь, благовірнії людіє, світло празднуєм, осіняєми Твоїм, Богомати, пришествієм, і к Твоєму взирающе пречистому образу, умильно глаголем: покрий нас честним Твоїм покровом і ізбави нас от всякаго зла, молящи Сина Твоего, Христа Бога нашего, спасти душі наша.

Величання

Величаєм Тя, Пресвятая Діво, і чтем покров Твой честний: Тя бо виді святий Андрей на воздусі, за ни Христу молящуюся.

Кондак

Діва днесь предстоїт в церкві і с лики святих невидимо за ни молится Богу; ангели со архієреї покланяются, апостоли же со пророки ликовствуют, нас бо ради молит Богородица превічнаго Бога.

Прокімен

Величит душа Моя Господа, і возрадовася дух Мой о Бозі, Спасі Моєм.

Причастен

Чашу спасенія приіму і імя Господнє призову.

Св. Великомученика Димитрія Солунського

(26 жовтня)

Тропар

Велика обріте тя в бідах поборника вселенная, страстотерпче, язики побіждающа: якоже убо Лієву низложил єси гординю, і на подвиг дерзновенна сотворив Нестора: тако, святе Димитріє, Христу Богу молися, даровати нам велію милость.

Величання

Величаєм Тя, страстотерпче Христов Димитріє, і чтем честная страданія Твоя, яже за Христа претерпіл єси.

Кондак

Кровей твоїх струями, Димитріє, Церков Бог обагри, давий тебі кріпость непобідимую, і соблюдая град твой невредим: того бо єси утвержденіє.

Прокімен

Возвеселится праведник о Господі і уповаєт на Него.

Причастен

В память вічную будет праведник, от слуха зла не убоітся. Аллилуя.

Собор св. Архістратига Михаїла і всіх безплотних сил

(8 листопада)

Тропар

Небесних воїнств архістратизи, молим вас присно ми, недостойнії, да вашими молитвами оградите нас кровом крил невещественния вашея слави, сохраняюще нас, припадающих приліжно і вопіющих: от бід ізбавите нас, як о чиноначальници вишніх сил.

Кондак

Архістратизи Божії, служителів божественния Слави, ангелов начальници і человіков наставници, полезноє нам просіте і велію милость, яко безплотних архістратизи.

Прокімен

Творяй ангели Своя духи і слуги Своя пламень огненний.

Причастен

Творяй ангели: Аллилуя.

Введення во храм Пресвятої Богородиці

(21 листопада)

Тропар

Днесь благоволенія Божія предображеніє, і человіков спасенія проповіданіє, в храмі Божії ясно Діва являєтся і Христа всім предвозвіщаєт: Той і ми велегласно возопіїм: Радуйся, смотренія Зиждителева ісполненіє.

Величання

Величаєм Тя, Пресвятая Діво, Богоізбранная Отроковице, і чтем єже в храм Господень вхожденіе Твоє.

Кондак

Пречистий храм Спасов, многоцінний Чертог і Діва, священноє Сокровище Слави Божія, днесь вводится в Дом Господень, благодать совводящи, яже в Дусі Божественнім, Юже воспівают ангели Божії: Сія єсть селеніє небесноє.

Прокімен

Величит душа Моя Господа, і возрадовася дух Мой о Бозі, Спасі Моєм.

Замість Достойно:

Ангели, вхожденіє Пречистия зряще, удивишася, како Діва входит во святая святих.

Ірмос

Яко одушевленному Божію ківоту, да нікакоже коснется рука скверних: устні же вірних, Богородиці немолчно глас ангела воспівающе, с радостію да вопіют: істинно висши всіх єси, Діво чистая.

Причастен

Чашу спасенія приіму і імя Господнє призову. Аллилуя.

Св. Апостола Андрея Первозванного

(30 листопада)

Тропар

Яко апостолов первозванний, і верховнаго сущий брат, Владиці всіх, Андреє, молися, мир вселенній даровати, і душам нашим велію милость.

Кондак

Мужества тезоіменитаго Богоглагольника, і Церкве возслідователя верховнаго, Петрова сродника восхвалим: зане якоже древле сему, і нині нам воззва: приідіте, обрітохом Желаємаго.

Св. Великомучениці Варвари

(4 грудня)

Тропар

Варвару святую почтим: вражія бо сіти сокруши, і яко птица ізбавися от них помощію і оружієм Креста, всечестная.

Кондак

В тройці благочестно піваємому, послідовавши Богу, страстотерпице, ідольская притупила єси чтилища: посреді же подвига страдальчествующи, Варваро, мучителей прешенія не устрашилася єси, мужемудренная, велегласно поющи присно: Тройцу чту, єдино Божество.

Св. Отця нашого Николая, Архієпіскопа Мірлікійського, Чудотворця

(6 грудня)

Тропар

Правило віри і образ кротості, воздержанія учителя яви Тя стаду твоєму яже вещей істина. Сего ради стяжал єси смиренієм високая, нищетою богатая, отче священноначальниче Николає, моли Христа Бога, спастися душам нашим.

Величання

Величаєм тя, святителю отче Николає, і чтем святую память твою: ти бо молиши за нас Христа Бога нашего.

Кондак

В Миріх, святе, священнодійствитель показался єси: Христово бо, преподобне, Євангеліє ісполнив, положил єси душу твою о людех твоїх і спасл єси неповинния от смерті: сего ради освятился єси, яко великий таїнник Божія благодаті.

Прокімен

Возвеселится праведник о Господі і уповаєт на Него.

Причастен

В память вічную будет праведник, от слуха зла не убоітся. Аллилуя.

Зачаття Св. Анни, коли зачала Пресвяту Богородицю

(9 грудня)

Тропар

Днесь безчадія узи разрішаются, Іоакима бо і Анну услишав Бог, паче надежди родити тім яві обішаваєт Богоотроковицу, із

Неяже Сам родися Неописанний, человік бив, ангелом повелів вопіяти єй: радуйся, Благодатная, Господь с Тобою.

Кондак

Празднуєт днесь вселенная Аннино зачатіє бившеє от Бога: ібо та породи паче слова Слово рождшую.

Прокімен

Дивен Бог во святих Своїх, Бог Ізраїлев.

Причастен

Радуйтеся, праведнії, о Господі, правим подобаєт похвала. Аллилуя.

Різдво Господа Бога і Спаса нашого Ісуса Христа

(25 грудня)

Рождество Христове

На утрені: Тропар

Рождество Твоє, Христе Боже наш, возсія мірові світ разума: в нем бо звіздам служащії звіздою учахуся, Тебі кланятися Солнцу правди, і Тебе відіти с висоти востока: Господи, слава Тебі.

Величачня

Величаєм Тя, Живодавче Христе, нас ради нині плотію Рождшагося от Безневістния і Пречистия Діви Марії.

Ірмоси канону

Пісня 1. Христос раждается, славіте Христос с небес, срящите, Христос на землі, возносітеся. Пойте Господеві вся земля, і веселієм воспойте, людіє: яко прославися.

Пісня 3. Прежде вік от Отца рожденному нетлінно Сину, і в послідняя от Діви, воплощенному безсімейно, Христу Богу возопим: вознесий рог наш, Свят єси, Господи.

Пісня 4. Жезл із корене Ієсеева, і Цвіт от него, Христе, от Діви прозябл єси, із Гори хвальний приосіненния Чащі пришел єси, воплощся, от Неіскусомужния, Невещественний і Боже: слава силі Твоєй, Господи.

Пісня 5. Бог сий мира, Отец щедрот, великаго Совіта Твоего Ангела, мир подавающа, послал єси нам. Тім богоразумія к світу наставльшеся, от нощі утренююще, славословим Тя, Человіколюбче.

Пісня 6. Із утроби Іону младенца ізблева морский звір, якова прият: в Діву же всельшеєся Слово, і плоть приємшеє пройде сохраншее нетлінну: Єгоже бо не пострада істлінія, Рождшую сохрани неврежденну.

Кондак

Діва днесь Пресушественнаго раждаєт, і земля вертеп Неприступному приносит. Ангели с пастирми славословят, волсви же со звіздою путешествуют: нас бо ради родися Отроча младо, Превічний Бог.

Пісня 7. Отроци благочестію совоспитані злочестиваго велінія небрегше, огненнаго прещенія не убоящася, но посреді пламене стояше, пояху: отцев Боже, благословен єси.

Пісня 8. Чуда преєстественнаго росодательная ізобрази пещ образ: не бо яже прият палит юния, яко ниже огнь божества Діви, в Нюже вниде утробу. Тім воспівающе воспоєм: да благословит твар вся Господа, і превозносит во вся віки.

Пісня 9. Таїнство странноє вижду і преславноє: небо — вертеп, престол херувимский — Діву, яслі — вмістилище, в них же возлеже невмістимий Христос Бог, Єгоже воспівающе величаєм.

На літургії

Перший антифон

Стих 1. Ісповімся Тебі, Господи, всім сердцем моїм, повім вся чудеса Твоя. Молитвами Богородици, Спасе, спаси нас.

Стих 2. В совіті правих и сонмі, велія діла Господня, ізискана во всіх волях Єго.

Молитвами Богородици:

Стих 3. Ісповіданіє і великоліпіє діло Єго, і правда Єго пребиваєт в вік віка.

Молитвами Богородици:

Слава: І нині:

Молитвами Богородици, Спасе, спаси нас.

Другий антифон

Стих 1. Блажен муж, бояйся Господа, в заповідех Єго восхощет зіло.

Спаси ни. Сине Божий, рождейся от Діви, поющия Ти: Аллилуя.

Стих 2. Сильно на землі будет сімя єго, род правих благословится.

Спаси ни, Сине Божий, рождейся:

Стих 3. Слава і богатство в дому єго, і правда єго пребиваєт в вік віка.

Спаси ни, Сине Божий, рождейся:

Слава: І нині: Єдинородний Сине:

Третій антифон

Стих 1. Рече Господь Господеві моєму: сіди одесную Мене, дондеже положу враги Твоя подножіє ног Твоїх.

Тропар

Рождество Твоє (як вище).

Стих 2. Жезл сили послет Ти Господь от Сіона і господствуй посреді врагов Твоїх.

Рождество Твоє:

Стих 3. С Тобою начало в день сили Твоєя, во світлостех святих Твоїх.

Рождество Твоє:

Вхідний

Із чрева прежде денници родих Тя, клятся Господь і не раскаєтся: Ти — Ієрей во вік по чину Мелхіседекову.

Рождество Твоє:

Слава: І нині:

Кондак

Діва днесь Пресущественнаго раждает, і земля вертеп Неприступному приносит. Ангели с пастирми славословят, волсви же со звіздою путешествуют: нас бо ради родися Отроча младо, Превічний Бог.

Замість трисвятого

Єлици во Христа крестистеся, во Христа облекостеся. Аллилуя.

Прокімен

Вся земля да поклонится Тебі і поєт Тебі, да поєт же імені Твоєму, Вишній.

Замість Достойно:

Величай, душе моя, честнійшую і славнійшую горніх воїнств Діву Пречистую Богородицу.

Ірмос

Любити убо нам, яко безбідноє страхом, удобіє молчаніє, любовію же, Діво, пісні ткати спротяженно сложенния неудобно єсть: но і, Мати, силу, єлико єсть проізволеніє, даждь.

Причастен

Ізбавленіє посла Господь людем своїм. Аллилуя.

Собор Пресвятої Богородиці

(26 грудня)

На літургії

Тропар

Рождество Твоє, Христе, Боже наш:

Кондак

Іже прежде денници от Отца без матере Родивийся, на землі без отца воплотися днесь із Тебе. Тімже звізда благовіствуєт волхвом, Ангели же с пастирми поют несказанноє рождество Твоє, Благодатная.

Прокімен

Величит душа моя Господа і возрадовася дух Мой о Бозі, Спасі Моєм.

Замість Достойно і Причастен

Як на Різдво Христове.

Св. Первомученика Стефана

(27 грудня)

Тропар

Рождество Твоє, Христе Боже наш.

Тропар

Подвигом добрим подвизался єси, первомучениче Христов і апостоле, і мучителей обличил єси нечестіє. Каменієм бо побієн от рук беззаконних, вінец от яже свише десници приял єси і к Богу взивал єси, вопія: Господи, не постави їм гріха сего.

Кондак

Владика вчера нам плотію прихождаше, і раб днесь от плоті ісхождаше: вчера Царствуяй плотію родися, днесь раб каменієм побиваєтся. Того ради і скончаваєтся первомученик і Божественний Стефан.

Прокімен апостолу

Во всю землю ізиде віщаніє їх і в конци вселенния глаголи їх.

Причастен Во всю землю ізиде: Аллилуя.

Обрізаніе Господа нашого Ісуса Христа і св. Василія Великого

(1 січня)

На утрені: Тропар

На престолі огнезрачнім в вишніх сідяй со Отцем Безначальним і Божественним Твоїм Духом, благоволил єси родитися на землі, от Отроковици Неіскусомужния Твоея Матере, Ісусе: сего ради і обрізан бил єси, яко человік осмодневний. Слава всеблагому Твоєму Совіту, слава смотренію Твоєму, слава снисхожденію Твоєму. Єдине Человіколюбче.

Тропар святого

Во всю землю ізиде віщаніє твоє, яко приємшую слово твоє, імже боголіпно научил єси, єстество сущих уяснил єси, человіческія обичаї украсил єси, царское свяшеніє, отче преподобне, моли Христа Бога, спастися душам нашим.

Величання

Величаєм тя, святителю отче Василів, і чтем святую память Твою, ти бо молиши о нас Христа, Бога нашего.

Кондак

Явился єси основа ніе непоколебимое Церкве, подая всім некрадомоє господство человіком, запечатлія твоїми веліньми, небоявленне Василіє проподобне.

Кондак Обрізання

Всіх Господь обрізаніє терпит і человіческая прегрішенія, яко благ, обрізуєт, даєт спасеніє днесь міру: радуєтся же в вишніх і Создателев ієрарх, і світоносний і Божественний таїнник Христов Василій.

На літургії

Тропарі і Кондаки, як на утрені, Прокімен Обрізання

Спаси, Господи, люди Твоя і благослови достояніє Твоє.

Прокімен святого

Уста моя возглаголют премудрость і поученіє сердца моєго разум.

Причастен

1. Хваліте Господа с небес, хваліте Єго в вишніх.

2. В память вічную будет праведник, от слуха зла не убоїтся. Аллилуя.

Богоявлення Господнє

(6 січня)

На утрені: Тропар

Во Іордані крещающуся Тебі, Господи, Тройческоє явися поклоненіє: Родителев бо глас свидітельствоваше Тебі, возлюбленнаго Тя Сина іменуя, і Дух в виді голубині ізвіствоваше словесе утвержденіє: явлейся, Христе Боже, і мір просвіщей, слава Тебі.

Величання

Величаєм Тя, Живодавче Христе, нас ради нині плотію крестившагося от Іоанна в водах іорданских.

Кондак

Явился єси днесь вселенній, і світ Твой, Господи, знаменася на нас, в разумі поюших Тя, пришел єси і явился. єси, Світ неприступний.

На літургії

Перший антифон

Стих 1. Во ісході Ізраїлеві от Єгипта, дому Іаковля із людей варвар.

Молитвами Богородици, Спасе, спаси нас.

Стих 2. Бисть Іудея святиня Єго, Ізраїль область Єго.

Молитвами Богородици:

Стих 3. Море виді і побіже, Іордан возвратися вспять. Молитвами Богородици:

Стих 4. Что ти єсть, море, яко побігло єси, і тебі, Іордане, яко возвратился єси вспять? Молитвами Богородици:

Слава: І нині:

Молитвами Богородици, Спасе, спаси нас.

Другий антифон

Стих 1. Возлюбих, яко услишит Господь глас моленія моєго.

Спаси ни, Сине Божий, крестивийся во Іордані от Іоанна, поющия Ти: Аллилуя.

Стих 2. Яко приклони ухо Своє мні, і во дні моя призову. Спаси ни, Сине Божий, крестивийся: Стих 3. Обяша мя болізні смертния, біди адови обрітоша мя. Спаси ни, Сине Божий, крестивийся: Стих 4. Милостив Господь і праведен, Бог наш милуєт. Спаси ни, Сине Божий, крестивийся: Слава: І нині: Єдинородний Сине:

Третій антифон

Стих 1. Ісповідайтеся Господеві, яко благ, яко в вік милость Єго.

Тропар

Во Іордані крещающуся (як вище).

Стих 2. Да речет убо дом Ізраїлев, яко благ, яко в вік милость Єго. Во Іордані крещающуся: Стих 3. Да речет убо дом Ааронь, яко благ, яко в вік милость Єго. Во Іордані крещающуся: Стих 4. Да рекут убо всі боящіїся Господа, як благ, яко в вік милость Єго. Во Іордані крещающуся:

Вхідний

Благословен грядий во імя Господнє: благословихом ви із дому Господня, Бог Господь і явися нам.

Тропар

Во Іордані крещающуся:

Кондак

Явился єси днесь вселенній, і світ Твой, Господи, знаменася на нас, в разумі поющих Тя: пришел єси і явился єси, Світ неприступний.

Замість трисвятого

Єлици во Христа крестистеся, во Христа облекостеся. Аллилуя.

Прокімен

Благословен грядий во імя Господнє, Бог Господь і явися нам.

Замість Достойно:

Величай, душе моя, Честнішую горніх воїнств, Діву Пречистую Богородицу.

Ірмос

Недоумієт всяк язик благохвалити по достоянію, ізумівает же ум і премірний воспівати Тя, Богородице: обаче, благая сущи, віру приіми, ібо любов віси Божественную нашу, Ти бо христіян єси Предстательница, Тя, величаєм.

Причастен

Явися благодать Божія, спасительная всім человіком Аллилуя.

Тропарі перед водосвяттям

Глас Господь на водах вопієт глаголя: приідіте, приіміте всі Духа премудрості, Духа разума, Духа страха Божія, явльшагося Христа

Днесь вод освящаєтся єстество, і разділяєтся Іордан, і своїх вод возвращает струї, Владику зря крещаєма.

Яко человік на ріку пришел єси, Христе Царю, і рабское крещеніє прияти тщишися, Блаже, от Предтечеву руку, гріх ради наших Человіколюбче.

Слава: І нині:

Ко гласу вопіющаго в пустині, уготовайте путь Господень, пришел єси, Господи, зрак рабій приїм, крещенія прося, не відий гріха. Видіша Тя води і убояшася, трепетен бисть Предтеча, і возопи глаголя: како просвітит світильник Світа? Како руку положит раб на Владику? Освяти мене і води, Спасе, вземляй міра гріх.

Трьох святителів: Василія Великого, Григорія Богослова та Іоанна Златоустого

(30 січня)

На утрені: Тропар

Яко апостолов єдинонравнії і вселенния учителіе, Владику всіх моліте, мир вселенній даровати і душам нашим велію милость.

Величання

Загальне святительське, або ж таке:

Стих 1. Блажені непорочнії, в путь ходящії в законі Господні.

Величаєм Тя, святителю Христов Василіє, ти бо благочестно Церков Христову непреклонну соблюл єси.

Стих 2. Рун і Твої сотвористе мя і создасте мя, вразуми мя і научуся заповідем Твоїм.

Достойно єсть величати тя, Григоріє Богослове, глубини Духа ізискавшаго і доброти віщанія приємшаго.

Стих 3. Призри на мя і помилуй мя по суду любящих імя Твоє.

Роди всі пісньми, покаянія проповідника, Златоустаго Іоанна блажим.

Кондак

Священния і Боговіщанния проповідники, верх учителей, Господи, приял єси в наслажденіх благих Твоїх і упокоєніє. Труди бо оніх і смерть приял єси паче всякаго всеплодія, Єдине прославляяй святия Твоя.

На літургії

Тропар і Кондак, як і на утрені

Прокімен

Во всю землю ізиде віщаніе їх і в конци вселенния глаголи їх.

Причастен

Радуйся, праведнії, о Господі, правим подобаєт похвала. Аллилуя.

Стрітення Господа нашого Ісуса Христа

(2 лютого)

На утрені: Тропар

Радуйся, Благодатная Богородице Діво, із Тебе бо возсія Солнце правди, Христос Бог наш, просвіщаяй сущия во тьмі. Веселися і ти, старче праведний, приемий во об’ятія Свободителя душ наших, дарующаго нам воскресеніе. Величання

Величаєм Тя, Живодавче Христе, і чтем Пречистую Матер Твою, Єюже по закону нині принеслся єси в храм Господень.

Кондак

Утробу Дівичу освятивий Рождеством Твоїм, і руці Симеоні благословивий, якоже подобаше, предварив і нині спасл єси нас, Христе Боже: но умири во браніх жительство, і укріпи люди, їхже возлюбил єси, Єдине Человіколюбче.

На літургії

Тропар і Кондак, як на утрені

Прокімен

Величит душа Моя Господа, і возрадовася дух Мой о Бозі, Спасі Моєм.

Замість Достойно:

Богородице Діво, упованіє християнам, покрий, соблюди і спаси на Тя уповающих.

Ірмос

В законі сіни і писаній образ видим, вірнії, всяк мужеский пол, ложесна разверзая, свят Богу; тім перворожденное Слово Отца безначальна, Сина, первородящася Матерію неіскусомужно, величаєм.

Причастен

Чашу спасенія приіму і імя Господнє призову. Аллилуя.

Благовіщення Пресвятої Богородиці

(25 березня)

На утрені: Тропар

Днесь спасенія нашего главизна і єже от віка таїнства явленіє: Син Божий син Діви биваєт, і Гавриїл благодать благовіствуєт. Тімже і ми с ним Богородиці возопіїм: Радуйся, Благодатная, Господь с Тобою.

Величання

Архангельский глас вопієм Ти, Чистая: радуйся, Благодатная, Господь с Тобою.

Кондак

Взбранной Воєводі побідительная, яко ізбавльшеся от злих, благодарственная восписуєм Ти раби Твої, Богородице; но яко імущая державу непобідимую, от всяких нас бід свободи, да зовем Ти: радуйся, Невісто Неневістная.

На літургії

Тропар і Кондак, як на утрені.

Прокімен

Благовістіте день от дне спасеніє Бога нашего.

Замість Достойно:

Благовіствуй, земле, радость велію, хваліте, небеса, Божію Славу.

Ірмос

Яко одушевленному Божію ківоту, да нікакоже коснется рука скверних: устні же вірних, Богородиці немолчно глас Ангела воспівающе, с радостію да вопіют: радуйся, Благодатная, Господь с Тобою.

Причастен

Ізбра Господь Сіона і ізволи єго в жилище Себі. Аллилуя.

Св. Великомученика Георгія

(23 квітня)

На утрені: Тропар

Подвигом добрим подвизался єси, страстотерпче Христов Георгіє, вірою і мучителей обличил єси нечестіє, жертва же благоприятна Богу принеслся єси, тімже і вінец приял єси побіди, і молитвами, святе, твоїми всім подаєши прегрішеній прощеніє.

Інший Тропар

Яко плінних свободитель і ниших защититель, немощствующих врач, побідоносче великомучениче Георгіє, моли Христа Бога, спастися душам нашим.

Величання

Величаєм тя, страстотерпче Христов Георгіє, і чтем честная страданія твоя, яже за Христа претерпіл єси.

Кондак

Возділан от Бога, показался єси благочестія ділатель честнійший, добродітелей рукояті собрав себі: сіял бо в слезах, веселієм жнеши, страдальчествовав же кровію, Христа приял єси, і молитвами, святе, твоїми всіми подаєши прегрішеній прощеніє.

На літургії

Тропар і Кондак, як на утрені

Прокімен

Возвеселится праведник о Господі і уповаєт на Него.

Причастен

В память вічную будет праведник, от слуха зла не убоїтся. Аллилуя.

Св. апостола і євангелиста Іоанна Богослова

(8 травня)

На утрені: Тропар

Апостоле Христу Богу возлюбленне, ускори ізбавити люди безотвітни; приємлет тя припадающа, Іже падша на перси приємий: Єгоже моли, Богослове, і належащую мглу язиков разгнати, прося нам мира і велія милості.

Величання

Величаєм тя, святий апостоле Христов Іоанне Богослове, і чтем болізні і труди твоя, імиже трудился єси во благовістії Христові.

Кондак

Величія твоя, дівственниче, кто повість, точиши бо чудеса і ізливаєши ісціленія, і молишися о душах наших, яко Богослов і друг Христов.

На літургії

Тропар і Кондак, як на утрені

Прокімен

Во всю землю ізиде віщаніе їх і в конци вселенния глаголи їх.

Причастен

Во всю землю із йде вішаніє їх і в конци вселенния глаголи їх. Аллилуя.

Перенесення мощей святителя і чудотворця Николая

(9 травня)

На утрені: Тропар

Приспі день світлаго торжества, град Барский радуется, с ним вселенная вся ликовствуєт пісньми і піньми духовними: днесь бо священноє торжество, в пренесеніє честних і многоцілебних мощей святителя і чудотворна Николая, якоже солнце незаходимоє возсія світозарними лучами, і разгоняя тьму іскушеній же і бід от вопіющих вірно: спасай нас, яко предстатель наш, великий Николає.

Кондак

Взиде, яко звізда от востока до запада, твоя мощі, святителю Николає, море же освятися шествієм твоїм, і град Барский, пріємля тобою благодать. Нас бо ради явился єси, чудотворец ізящний, предивний і милостивий.

Величання

Величаєм тя, святителю отче Николає, і чтем святую память твою, ти бо молищи за нас Христа Бога нашего.

На літургії

Тропар і Кондак, як на утрені

Прокімен

Восхвалятся преподобнії во славі, і возрадуются на ложах своїх.

Причастен

В память вечную будет праведник, от слуха зла не убоїтся, Аллилуя.

Свв. рівноапостольних Мефодія і Кирила, учителів Слов’янських

(11 травня)

Тропар

Яко апостолом єдинонравнії і словенских стран учителів, Кириле і Мефодіє богомудрії, Владику всіх моліте, вся язики словенскія утвердити в православії і єдиномислії, умирити мир і спасти душі наша.

Кондак

Священную двоїцу просвітителей наших почтім, Божественних писаній преложенієм істочник Богопознанія нам істочивших, із негоже даже до днесь неоскудно почерпающе, ублажаєм вас, Кириле і Мефодіє, Престолу Вишняго предстоящих і теплі молящихся о душах наших.

Величання

Величаєм вас, святії рівноапостольнії Мефодіє і Кириле, вся словенскія страни ученьми своїми просвітившия і ко Христу приведшия.

Прокімен

Возвеселится праведник о Господі і уповаєт на Него.

Причастен

В память вічную будет праведник, от слуха зла не убоїтся. Аллилуя.

Різдво св. пророка, Предтечі і Хрестителя Іоанна

(24 червня)

Тропар

Пророче і Предтече пришествія Христова, достойно восхвалити тя недоуміем ми, любовію чтущії тя. Неплодство бо рождшія і отчеє безгласіє разрішися славним і честним твоїм рождеством, і воплощеніє Сина Божія мірові проповідуєтся.

Величання

Величаєм тя, Предтече Спасов Іоанне, і чтем єже от неплодове преславноє рождество твоє,

Кондак

Прежде неплоди, днесь Христова Предтечу раждает, і той єсть ісполненіє всякаго пророчества: Єгоже бо пророци проповідаша, на Сего во Іордані руку положив, явися Божія Слова пророк, проповідник, вкупі і Предтеча.

На літургії

Прокімен

Возвеселится праведник о Господі і уповаєт на Него.

Причастен

В память вічную будет праведник, от слуха зла не убоїтся. Аллилуя.

Свв. первоверховних апостолів Петра і Павла

(29 червня)

На утрені: Тропар

Апостолов первопрестольници і вселенния учителів, Владику всіх моліте, мир вселенній даровати і душам нашим велію милость.

Величання

Величаєм вас, апостоли Христові Петре і Павле, весь мір ученьми своїми просвітившим, і вся конци ко Христу приведшия.

Кондак

Твердия і Боговіщанния проповідателі, верх апостолов Твоїх, Господи, приял єси в наслажденіє благих Твоїх і покой: болізні бо оніх і смерть приял єси паче всякаго всеплодія, Єдине свідий сердечная.

На літургії

Тропар і Кондак, як на утрені

Прокімен

Во всю землю ізиде віщаніє їх і в конци вселенния глаголи їх.

Причастен

Во всю землю ізиде віщаніє їх і в конци вселенния глаголи їх. Аллилуя.

Блаженної великої княгині Ольги

(11 липня)

Тропар

Крилами богоразумія вперивши твой ум, возлетіла єси превише видимая тварі: взискавши Бога і Творца всяческих, і Того обрітши, паки рожденіє крещенієм прияла єси: древа животнаго наслаждаюшися, нетлінна во віки пребиваєши, Ольго приснославная.

Кондак

Воспоєм днесь Благодітеля всіх Бога, прославльшаго в Русі Ольгу богомудрую: да молитвами єя подаст душам нашим гріхов оставленіє.

Св. великого князя Володимира

(15 липня)

Тропар

Уподобился єси купцу, іщущему добраго бісера, славнодержавний Владиміре, на висоті стола сідя матере градов, Богоспасаємаго Києва, іспитуя же і посилая к царскому граду увідіти православную віру, обріл єси безцінний бісер, Христа, ізбравшаго тя, яко втораго Павла, і отрясшаго сліпоту во святій купілі, душевную вкупі і тілесную. Тімже празднуєм твоє успеніє, людіє твої суще: моли спастися душам нашим.

Кондак

Подобствовав великому Апостолу Павлу в сідинах, всеславне Владиміре, вся, яко младенческая мудрованія, яже о ідоліх тшанія оставль, яко муж совершенний, украсился єси Божественнаго крещенія багряницею: і нині Спасу Христу в веселії предстоя, моли спастися душам нашим.

Св. пророка Ілії Фесвітянина

(20 липня)

На утрені: Тропар

Во плоті Ангел, пророков основаніє, вторий Предтеча пришествія Христова — Ілія славний, свише пославий Єлисеєві благодать недуги отгоняти і прокаженния очищати: тімже і почитаюшим єго точит ісціленія.

Величання

Величаєм Тя, пророче Божий Іліє славне і почитаєм єже на колесниці огненній преславноє восхожденіє твоє.

Кондак

Пророче і провидче великих діл Бога нашего, Іліє великоімените, віщанієм твоїм уставивий водоточния облаки, моли о нас Єдинаго Человіколюбца.

На літургії

Тропар і Кондак, як на утрені

Прокімен

Ти ієрей во віки по чину Мелхіседекову.

Причастен

В память вічную будет праведник, от слуха зла не убоїтся. Аллилуя.

Свято Почаївської ікони Божої Матері

(23 липня)

Тропар

Пред святою Твоєю іконою, Владичице, молящіїся ісціленій сподобляются, віри істинния познаніє приємлют і агарянская нашествія отражают. Тімже і нам, к Тебі припадающим, гріхов оставленіє іспроси, помислами благочестія сердца наша просвіти і к Сину Твоєму молитву вознеси о спасенії душ наших.

Богородичен

Непроходимая врата, тайно запечатствованная, благословенная Богородице Діво, приїми моленія наша і принеси Сину Твоєму і Богу, да спасет Тобою душі наша.

Величання

Величаєм Тя, Пресвятая Діво, і почитаєм честную ікону Твою, юже от літ древніх на горі Почаєвстій прославила єси.

Св. великомученика і цілителя Пантелеймона

(27 липня)

Тропар

Страстотерпче святий і цілебниче Пантелеїмоне, моли милостиваго Бога, да прегрішеній оставленіє подаст душам нашим.

Преображення Господнє

На утрені: Тропар

(6 серпня)

Преобразился єси на горі, Христе Боже, показавий учеником Твоїм славу Твою, якоже можаху: да возсіяєт і нам грішним світ Твой присносущний, молитвами Богородиці, Світодавче, слава Тебі.

Величання

Величаєм Тя, Живодавче Христе, і почитаєм Пречистия Плоті Твоея преславноє преображеніє.

Кондак

На горі преобразился єси, і якоже вміщаху учениці Твої, славу Твою, Христе Боже, видіша, да єгда Тя узрят распинаєма, страданіє убо уразуміют вольноє, мірові же проповідят, яко Ти єси воістину Отчеє сіяніє.

На літургії

Тропар і Кондак, як на утрені

Перший антифон

Стих 1. Воскликніте Господеві, вся земля, пойте же імені Єго, дадіте славу хвалі Єго.

Молитвами Богородице, Спасе, спаси нас.

Стих 2. Глас грома Твоєго в колесі, освітища молнія Твоя вселенную, подвижеся і трепетна бисть земля.

Молитвами Богородици:

Стих 3. Во ісповіданіє і в велеліпоту облеклся єси, одіяйся світом, яко ризою.

Молитвами Богородици:

Слава: І нині: Молитвами Богородици, Спасе, спаси нас.

Другий антифон

Стих 1. Гори Сіонскія, ребра сіверова, град Царя великаго. Спаси ни, Сине Божий, преобразивийся на горі, поющия Ти: Аллилуя.

Стих 2. І введе я в гору святині Своєя, гору сію, юже стяжа десниа Єго.

Спаси ни, Сине Божий, преобразивийся:

Стих 3. Гору Сіоню, юже возлюби, і созда яко єдинорога святилище Своє.

Спаси ни, Сине Божий, преобразивийся:

Слава: І нині: Єдинородний Сине:

Третій антифон

Стих 1. Надіющіїся на Господа, яко гора Сіон, не подвижится во вік.

Тропар

Преобразился єси на горі:

Стих 2. Гори окрест єго, і Господь окрест людей Своїх от нині і до віка.

Преобразился єси на горі:

Стих 3. Господи, кто обитаєт в жилищі Твоєм, іли кто вселится во святую гору Твою?

Преобразился єси на горі:

Стих 4. Кто взидет на гору Господню, іли кто станет на місті святім Єго?

Преобразился єси на горі:

Вхідний

Господи, посли світ Твой і істину Твою: та мя настависта і введоста мя в гору святую Твою.

Замість Достойно:

Величай, душе моя, на Фаворі преобразившагося Господа.

Прокімен

Як о возвеличишася діла Твоя, Господи, вся премудростію сотворил єси.

Ірмос

Рождество Твоє нетлінно явися: Бог із боку Твоєю пройде, яко плотоносец явися на землі і с человіки поживе. Тя, Богородице, тім всі величаєм.

Причастен

Господи, в світі лица Твоєго пойдем і о імені Твоєм возрадуємся во віки. Аллилуя.

Успення пресвятої Богородиці

(15 серпня)

На утрені: Тропар

В рождестві дівство сохранила єси, во успенії міра не оставила єси, Богородице, преставилася єси к животу, Мати суши Живота, і молитвами Твоїми ізбавляєши от смерті душі наша.

Величання

Величаєм Тя, пренепорочная Мати Христа Бога нашего, і всеславноє славим успеніе Твоє.

Кондак

В молитвах неусипающую Богородицу і в предстательствах непреложноє упованіе, гроб і умерщвленіє не удержаста: якоже бо Живота Матер к животу престави во утробу Вселивийся приснодівственную.

На літургії

Тропар і Кондак, як на утрені

Прокімен

Величит душа моя Господа, і возрадовася дух Мой о Бозі Спасі Моєм.

Замість Достойно:

Ангели успеніє Пречистия видівше, удивишася, како Діва восходит от землі на небо.

Ірмос

Побіждаются єстества устави в Тебі, Діво чистая: дівствуєт бо рождество, і живот предобручаєт смерть: по рождестві Діва, і по смерті жива, спасаєши присно, Богородице, наслідіє Твоє.

Причастен

Чашу спасенія прийму і імя Господнє призову. Аллилуя.

Преподобного отця нашого Іова Почаївського Чудотворця

(28 серпня)

Тропар

Многострадальнаго праотца долготерпініе стяжав, Крестителеву воздержанію уподобляяся, божественния же ревності приобщаяся, тіх імена достойно прияти сподобился єси, і істинния віри бил єси проповідник безбоязнен, тімже монахов множество ко Христу привел єси, і вся люди в православії утвердил єси, Іове, преподобне отче наш, моли спастися душам нашим.

Величання

Ублажаєм Тя, преподобне отче Іове, і чтем святую память твою, наставниче монахов, і собесідниче ангелов.

Усікновення глави св. Іоанна Предтечі і Хрестителя

(29 серпня)

(День завжди пісний)

На утрені: Тропар

Память праведнаго с похвалами, тебі же довлієт свидітельство Господнє Предтече: показалбося єси воістину і пророков честнійший, яко і в струях крестити сподобился єси Проповіданнаго: тімже за істину пострадав радуяся, благовістил єси і сущим во аді Бога, явльшагося плотію, вземлющаго гріх міра і подающаго нам велію милость.

Величання

Величаєм тя, Крестителю Спасов Іоанне, і почитаєм всі честния Твоєя глави усікновеніє.

Кондак

Предтечево славноє усікновеніє, смотреніє бисть нікое Божественноє, да і сущим во аді Спасово проповість пришествіє. Да ридаєт убо Іродіа, беззаконноє убійство іспросивши: не закон бо Божий, ні живий вік возлюби, но притворний, привременний.

На літургії Тропар і Кондак, як на утрені Прокімен

Возвеселится праведник о Господі і уповаєт на Него.

Причастен

В память вічную будет праведник, от слуха зла не убоїтся. Аллилуя.

Можете використовувати такі теґи: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>


Пошук

Сторінки

Важливе

Останні відгуки

Канали RSS

Нагору