«Наша Парафія»

Парафія святого Архистратига Михаїла, Київ, Пирогів

 
БібліотекаМолитвиПравославний молитослов (церковнослов’янською мовою в українській транслітерації)

Тропарі і величання загальні святим

Пресвятій Богородиці

Тропарі

1. К Богородиці приліжно нині притецем, грішнії і смиреннії, і припадем, в покаянії зовуще із глубини душі Владичице, помози, на ни милосердовавши: потщися, погибаєм от множества прегрішеній: не отврати Твоя раби тщі, Тя бо і єдину надежду імами.

2. Не умолчим нікогда, Богородице, сили Твоя глаголати, недостойнії; аще бо Ти не би предстояла молящи, кто би нас ізбавил от толиких бід? Кто же би сохранил до нині свободни? Не отступим, Владичице, от Тебе: Твоя бо раби спасаєши присно от всяких лютих.

Величання

1. Величаєм Тя, Пресвятая Діво, Богоізбранная Отроковице, і чтем образ Твой святий, імже точиши ісціленія, всім с вірою притекающим.

2. Достойно єсть величати Тя, Богородице, честнійшую Херувим і славнішую без сравненія Серафим.

Святим безплотним силам

Тропар

Небесних воїнств архістратизи, молим вас присно ми недостойнії, да вашими молитвами оградите нас кровом крил невещественния вашея слави, сохраняюще ни, припадающия приліжно і вопіющія: от бід ізбавите нас, яко чиноначальници вишніх сил.

Величання

Величаєм вас, Архангели і Ангели і вся воїнства, Херувими і Серафими, славящия Господа.

Пророку

Тропар

Пророка Твоєго (ім’я) память, Господи, празднующе, тім Тя молим, спаси душі наша.

Величання

Величаєм тя, апостоле Христов (ім’я), і чтем болізні і труди твоя, імиже трудился єси во благовістії Христові.

Апостолу

Тропар

Апостоле святий (ім’я), моли милостиваго Бога, да прегрішеній оставленіє подаст душам нашим.

Величання

Величаєм Тя, пророче Божий (ім’я), і чтем святую память твою, Ти бо молиши за нас Христа Бога нашего.

Святителю

Тропар

Правило віри і образ кротості, воздержанія учителя, яви тя стаду твоєму, яже вещей істина; сего ради стяжал єси смиренієм високая, нищетою богатая. Отче (ім’я), моли Христа Бога спастися душам нашим.

Величання

Величаєм тя, святителю отче (ім’я), і чтем святую память твою: ти бо молиши за нас Христа Бога нашего.

Преподобному

Тропар

В тебі, отче, ізвістно спасеся єже по образу: приім бо крест, послідовал єси Христу, і дія учил єси презирати убо плоть: преходит бо, приліжати же о душі, вещі безсмертній. Тімже і со ангели срадуєтся, преподобне (ім’я), дух твой.

Величання

Ублажаєм тя, преподобне отче (ім’я), і чтем святую память твою, наставниче монахов і собесідниче ангелов.

Преподобній

Тропар

В тебі, мати, ізвістно спасеся єже по образу: приїмши бо крест, послідовала єси Христу, і діющи учила єси презирати убо плоть: преходит бо, приліжати же о душі вещі безсмертній. Тімже і со ангели срадуєтся, преподобная (ім’я), дух твой.

Величання

Ублажаєм тя, преподобная мати (ім’я), і чтем святую память твою: ти бо молиши за нас Христа Бога нашего.

Мученику

Тропар

Мученик Твой, Господи, (ім’я) во страданії своєм вінец прият нетлінний от Тебе, Бога нашего: іміяй бо кріпость Твою, мучителей низложи, сокруши і демонов немощния дерзості. Того молитвами спаси душі наша.

Величання

Величаєм тя, страстотерпче святий (ім’я) і чтем честная страданія твоя, яже за Христа претерпіл єси.

Мучениці

Тропар

Агница Твоя, Ісусе, (ім’я) зовет веліїм гласом: Тебе, Женише мой, люблю, і Тебе іщуши страдальчествую і сраспинаюся, і спогребаюся крещенію Твоєму, і стражду Тебе ради, яко да царствую в Тебі, і умираю за Тя, да і живу с Тобою; но яко жертву непорочную приїми мя, с любовію пожершуюся Тебі. Тоя молитвами, яко милостив, спаси душі наша.

Величання

Величаєм Тя, страстотерпице Христова (ім’я), і чтем честная страданія Твоя, яже за Христа претерпіла єси.

Безсребреникам

Тропар

Святії безсребреници і чудотворця, посітите немощі наша; туне приясте, туне дадіте нам.

Величання

Величаєм вас, чудотворця славнії (імена), і чтем честная страданія ваша, яже за Христа претерпіли єсте.

Христа ради юродивому

Тропар

Глас апостола Твоєго Павла услишав, глаголющ: ми юроди Христа ради, раб Твой, Христе Боже (ім’я), юрод бисть на землі Тебе ради. Тімже память єго почитающе, Тебе молим, Господи, спаси душі наша.

Величання

Ублажаєм тя, святий праведний (ім’я), і чтем святую память твою: ти бо молиши за нас Христа Бога нашего.

Всім святим

Тропар

Іже во всім мірі мученик Твоїх, яко багряницею і виссом, кровми Церков Твоя украсившися, тіми вопієт Ти, Христе Боже: людем Твоїм щедроти Твоя низпосли, мир жительству Твоєму даруй і душам нашим, велию милость.

Величання

Величаєм вас, апостоли, мученици, пророци і всі святії, і чтем святую память вашу, ви бо молите за нас Христа Бога нашего.

Можете використовувати такі теґи: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>


Пошук

Сторінки

Важливе

Останні відгуки

Канали RSS

Нагору