«Наша Парафія»

Парафія святого Архистратига Михаїла, Київ, Пирогів

 
БібліотекаМолитвиПравославний молитослов (церковнослов’янською мовою в українській транслітерації)

Молитви Господу Ісусу Христу

1. Тебі, Господи, єдиному Благому і Непамятозлобному, ісповідую гріхи моя; Тебі припадаю, вопія недостойний: согріших, Господи, согріших, і нісм достоїн воззріти на висоту небесную от множества неправд моїх. Но, Господи мой, Господи, даруй ми слези умиленія, єдиний Блаже і Милостивий, яко да іми Тя умолю, очиститися прежде конца от всякаго гріха: страшно бо і грозно місто імам пройти, тіла разлучився, і множество мя мрачноє і безчеловічное демонов срящет1 і ніктоже в помощ спутствуяй, іли ізбавляяй. Тім припадаю Твоей благості, не предаждь обидящим мя, ниже да похвалятся о мні врази мої, Благий Господи, ниже да рекут: в руки наша пришел єси і нам предан єси. Ні, Господи, не забуди щедрот Твоїх і не воздаждь ми по беззаконієм моїм, і не отврати лица Твоєго от мене: но Ти, Господи, накажи мя, обаче милостію і щедротами, враг же мой да не возрадуєтся о мні, но угаси єго на мя прещенія і все упраздни єго дійство. І даждь ми к Тебі путь неукорний, Благий Господи, занеже і согрішив, не прибігох ко іному врачу і не прострох руки моєя к богу чуждему. Не отрини убо моленія моєго, но услиши мя Твоєю благостію і утверди моє сердце страхом Твоїм: і да будет благодать Твоя на мні, Господи, яко огнь попаляяй нечистия во мні помисли. Ти бо єси, Господи, світ паче всякаго світа, радость паче всякія радості, упокоєніе паче всякаго упокоєнія, жізнь істинная і спасеніє, пребивающеє во віки віков Амінь.

2. Господи Ісусе Христе, Сине Бога Живаго, Творче неба і землі, Спасителю міра! Се аз, недостойний і паче всіх грішнійшій, смиренно коліна сердца моєго пред славою величества Твоєго преклонив, воспіваю Крест і страданія Твоя, і благодареніє Тебі, Царю всіх і Богу, приношу, яко благоізволил єси вся труди і всякія біди, напасті і мученія, яко человік понести, да всім нам во всяких печаліх, нуждах і озлобленіїх состраждущий Помощник і Спаситель будеши Вім, Всесильне Владико, яко вся сія Тебі убо не биша потребна, но человіческаго ради спасенія, — да всіх нас іскупиши от лютия работи вражія, — Крест і страданія претерпіл єси. Что убо воздам Тебі, Человіколюбче, о всіх, яже пострадал єси мене ради грішнаго? Не вім: душа бо і тіло і вся благая от Тебе суть, і вся моя Твоя суть, і аз Твой єсм. Точію на безчисленноє Твоє, Благосерде Господи, милосердіє надіяся, пою Твоє неізреченноє долготерпініє, величаю неісповідимоє істощаніє, славлю Твою безмірную милость, покланяюся пречистим страстем Твоїм, і вселюбезно лобзая язви Твоя, вопію: помилуя мя грішнаго, і сотвори, да не безплоден будет во мні Крест Твой святий, но да с вірою страданієм Твоїм зді причащаяся сподоблюся видіти і славу Царствія Твоєго на небесі. Амінь.

  1. Зустріне. []

Можете використовувати такі теґи: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Будь ласка, не коментуйте з доменів mail.ru, yandex.ua/yandex.ru тощо. Ви не будете отримувати сповіщення про відповіді на відгуки. Не користуйтеся послугами країни-окупанта.


Пошук

Сторінки

Важливе

Останні відгуки

Канали RSS

Нагору