«Наша Парафія»

Парафія святого Архистратига Михаїла, Київ, Пирогів

 
БібліотекаМолитвиПравославний молитослов (церковнослов’янською мовою в українській транслітерації)

Акафіст Сладчайшому Господу нашому Ісусу Христу

Господь Вседержитель

Кондак 1

Возбранний Воєводо і Господи, ада Побідителю, яко ізбавлься от вічния смерті, похвальная восписую Ти созданіє і раб Твой: но яко іміяй милосердіє неізреченноє, от всяких мя бід свободи, зовуща: Ісусе, Сине Божий, помилуй мя.

Ікос 1

Ангелов Творче і Господи сил, отверзи ми недоумінний ум і язик на похвалу пречистаго Твоєго імене, якоже глухому і гугнивому древле слух і язик отверзл єси, і глаголаше, зовий таковая: Ісусе пречудний, ангелов Удивленіє. Ісусе пресильний, прародителей Ізбавленіє, Ісусе пресладкий, патріархов Величаніє. Ісусе преславний, вірних Укріпленіє, Ісусе прелюбимий, пророков Ісполненіє; Ісусе предивний, мучеников Кріпосте. Ісусе претихий, монахов Радосте. Ісусе премилостивий, пресвітеров Сладосте. Ісусе премилосердий, ПОСТНИКОВ Воздержаніє. Ісусе пресладостний, преподобних Радованіє Ісусе пречестний, ДІВСТВенНИХ Ціломудріє Ісусе предвічний, грішников Спасеніє. Ісусе Сине Божий, помилуй мя.

Кондак 2

Видя вдовицу зілні1 плачущу, Господи, якоже бо тогда умилосердився, сина єя, на погребеніє несома, воскресил еси, сице і о мні умилосердися, Человіколюбче, і гріхми умерщвленную мою душу воскреси, зовущу: Аллилуя.

Ікос 2

Разум неуразумінний разуміти Филип іща: Господи, покажи нам Отца, глаголаше. Ти же к нему: Толикоє время сий со Мною, не познал ли єси, яко Отец во Мні, і Аз в Отці есм? Тімже Неізслідованне, со страхом зову Ти: Ісусе, Боже предвічний. Ісусе, Царю пресильний. Ісусе, Владико долготерпеливий Ісусе, Спасе премилостивий. Ісусе, Хранителю мой преблагий. Ісусе, очисти гріхи моя. Ісусе, отими беззаконія моя. Ісусе, отпусти неправди моя. Ісусе, Надеждо моя, не остави мене. Ісусе, Помощниче мой, не отрини мене. Ісусе, Создателю мой, не забули мене. Ісусе, Пастирю мой, не погуби мене, Ісусе, Сине Божий, помилуй мя.

Кондак 3

Силою свише апостоли облекий, Ісусе, во Ієрусалимі сідящия, облеци і мене, обнаженнаго от всякаго благотворенія, теплотою Духа Святаго Твоєго і даждь ми с любовію піти Тебі: Аллилуя.

Ікос 3

Іміяй богатство милосердія, митарі і грішники, і невірния призвал єси, Ісусе: не презри і мене нині, подобнаго їм, но яко многоцінноє миро приіми піснь сію: Ісусе, Сило непобідимая. Ісусе, Милосте безконечная. Ісусе, Красото пресвітлая. Ісусе, Люби, неізреченная. Ісусе, Сине Бога живаго. Ісусе, помилуй мя грішнаго. Ісусе, услиши мя в беззаконіїх зачатаго. Ісусе, очисти мя во грісіх рожденнаго. Ісусе, научи мя непотребнаго. Ісусе, освіти мя темнаго. Ісусе, очисти мя сквернаго. Ісусе, возведи мя блуднаго. Ісусе, Сине Божий, помилуй мя.

Кондак 4

Бурю внутр іміяй помишленій сумнітельних, Петр утопаше; узрів же во плоті Тя суша, Ісусе, і по водам ходяща, позна Тя Бога істиннаго, і руку спасенія получив, рече: Аллилуя.

Ікос 4

Слиша сліпий, Господи, мимоходяща Тя путем, вопіяще: Ісусе, Сине Давидов, помилуй мя! І призвав, отверзл еси очі его. Просвіти убо милостію Твоєю очі мисленния сердца і мене, вопіюща Ти і глаголюща: Ісусе. вишніх Создателю; Ісусе, нижніх Іскупителю. Ісусе, преісподніх Потребителю. Ісусе, всея тварі Украсителю. Ісусе, душі моєя Утішителю. Ісусе, ума моєго Просвітителю. Ісусе, сердца моего Веселіє, Ісусе, тіла моего Здравіє. Ісусе, Спасе мой, спаси мя. Ісусе, Світе мой, просвіти мя, Ісусе муки всякія ізбави мя. Ісусе, спаси мя, недостойнаго. Ісусе, Сине Божий, помилуй мя.

Кондак 5

Боготочною кровію якоже іскупил єси нас древле от законния клятви, Ісусе, сице ізми нас от сіті, єюже змій запят ни страстьми плотскими, і блудним наважденієм, і злим унинієм, вопіющия Ти: Аллилуя.

Ікос 5

Видівше отроци єврейстії в образі человічестім Создавшаго рукою человіка і Владику разумівше Єго, потшашася вітвми угодити Єму, осанна вопіюше. Ми же пісень приносим Ти глаголюще: Ісусе, Боже істинний.

Ісусе, Сине Давидов. Ісусе, Царю преславний Ісусе, Агнче непорочний, Ісусе, Пастирю предивний. Ісусе, Хранителю в младості моей. Ісусе, Кормителю в юності моєй. Ісусе, Похвало в старості моєй. Ісусе, Надеждо в смерті моєй. Ісусе, Животе по смерті моей. Ісусе, Утішеніє моє на суді Твоєм. Ісусе, Желаніє моє, не посрами мене тогда. Ісусе, Сине Божий, помилуй мя.

Кондак 6

Проповідник богоносних віщаніє і глаголи ісполняя, Ісусе, на землі явлься і с человіки, Невмістимий, пожил єси і болізні наша под’ял єси, отнюдуже ранами Твоїми ми ісцілівше, піти навикохом: Аллилуя.

Ікос 6

Возсія вселенній просвіщеніє істини Твоєя, і отгнася лесть бісовская: ідоли бо, Спасе наш, не терпяще Твоєя кріпості, падоша. Ми же, спасеніє получивше, вопієм Ти: Ісусе, Істино, лесть отгоняющая; Ісусе, Світе, превишший всіх світлостей. Ісусе, Царю, премогаяй всіх кріпості. Ісусе, Боже, пребиваяй в милості. Ісусе, Хлібе животний, насити мя, алчущаго. Ісусе, Істочниче разума, напой мя жаждущаго. Ісусе, Одеждо веселія, одій мя тліннаго; Ісусе, Покрове радості, покрий мя недостойнаго. Ісусе, Подателю просящим, даждь ми плач за гріхи моя; Ісусе, Обрітеніє іщущих, обрящи душу мою Ісусе. Отверзителю толкущим, отверзи серце моє окаянноє, Ісусе, Іскупителю грішних, очисти беззаконія моя. Ісусе, Сине Божий, помилуй мя.

Кондак 7

Хотя сокровенную тайну от віка открити, яко овча на заколеніє веден бил єси, Ісусе, і яко агнец прямо стригущаго Єго безгласен: і яко Бог із мертвих воскресл єси, і со славою на небеса вознеслся єси, і нас совоздвигл єси, зовуших: Аллилуя.

Ікос 7

Дивную показа твар явлейся Творец нам: без сімене от Діви воплотися, із гроба, печаті не рушив, воскресе і ко апостолом, дверем затворенним, плотію вниде. Тімже чудящеся воспоїм: Ісусе, Слове необименний; Ісусе, Слове несоглядаємий, Ісусе, Сило непостижимая; Ісусе, Мудросте недомислимая. Ісусе, Божество неописанноє; Ісусе, Господство неізчетноє. Ісусе, Царство непобідимоє; Ісусе, Владичество безконечноє. Ісусе, Кріпосте височайшая; Ісусе, Власте вічная. Ісусе, Творче мой, ушедри мя; Ісусе, Спасе мой, спаси мя; Ісусе, Сине Божий, помилуй мя.

Кондак 8

Странно Бога вочеловічшася видяще, устранімся суєтнаго міра і ум на божественная возложім. Сего бо ради Бог на землю сниде, да нас на небеса возведет, вопіющих Єму: Аллилуя.

Ікос 8

Весь бі в нижніх, і вишніх нікакоже отступи Неізчетний, єгда волею нас ради пострада, і смертію Своєю нашу смерть умертви, і воскресенієм живот дарова поющим: Ісусе, Сладосте сердечная; Ісусе, Кріпосте тілесная. Ісусе, Світлосте душевная; Ісусе, Бистрото умная. Ісусе, Радосте совістная; Ісусе, Надеждо ізвістная. Ісусе, Памяте предвічная; Ісусе, Похвало високая Ісусе, Славо моя превознесенная; Ісусе, Желаніє моє, не отрини мене. Ісусе, Пастирю мой, взищи мене; Ісусе, Спасе мой, спаси мене. Ісусе, Сине Божий, помилуй мя.

Кондак 9

Все єстество ангельскоє безпрестанно славит пресвятоє імя Твоє, Ісусе, на небесі: Свят, Свят, Свят, вопіюще: ми же, грішнії, на землі бренними устнами вопієм: Аллилуя.

Ікос 9

Вітія многовіщанния якоже риби безгласния видим о Тебі, Ісусе, Спасе наш: недоуміют бо глаголати, како Бог непреложний і человік совершенний пребиваєши. Ми же, таїнству дивящеся, вопієм вірно: Ісусе, Боже предвічний; Ісусе, Царю царствующих. Ісусе, Владико владіющих; Ісусе, Судіє живих і мертвих. Ісусе, Надеждо ненадежних; Ісусе, Утішеніє плачущих. Ісусе, Славо нищих; Ісусе, не осуди мя по ділом моїм. Ісусе, очисти мя по милості Твоєй; Ісусе, отжени от мене униніє. Ісусе, просвіти моя мислі сердечния; Ісусе, даждь ми память смертную. Ісусе, Сине Божий, помилуй мя.

Кондак 10

Спасти хотя мір, Восточе востоков, к темному западу, єстеству нашему, пришед, смирился єси до смерті; тімже превознесеся імя Твоє паче всякаго імене, і от всіх колін небесних і земних слишиши: Аллилуя.

Ікос 10

Царю превічний, Утішителю, Христе істинний, очисти ни от всякія скверни, якоже очистил єси десять прокаженних, і ісціЛИ ни, якоже ісцілил єси сребролюбивую душу Закхея митаря, да вопієм Ти в умиленії: Ісусе, Сокровише нетлінноє; Ісусе, Богатство неістощимоє. Ісусе, Пище кріпкая; Ісусе, Питіе неісчерпаємоє. Ісусе, нищих Одіяніє; Ісусе, вдовиц Заступленіе. Ісусе сирих Защитниче. Ісусе, труждающихся Помоще. Ісусе, странних Наставниче; Ісусе, плавающих Кормчий. Ісусе, бурних Отишіє; Ісусе, Боже, воздвигни мя падшаго. Ісусе, Сине Божий, помилуй мя.

Кондак 11

Пініє всеумиленноє приношу Ти недостойний, вопію Ти, яко хананея: Ісусе, помилуй мя! Не дщер бо, но плоть імам, страстьми люті бісящуюся і яростію палимую, і ісціленіє даждь вопіющу Ти: Аллилуя.

Ікос 11

Світоподательна світильника, сущим во тьмі неразумія, прежде гоняй Тя Павел, богоразумнаго гласа силу внуши, і душевную бистроту уясни. Сице і мене темния зіници душевния просвіти, зовуща: Ісусе, Царю мой прекріпкий; Ісусе, Боже мой пресильний. Ісусе, Господи мой пребезсмертний; Ісусе, Создателю мой преславний. Ісусе, Наставниче мой предобрий; Ісусе, Пастирю мой прещедрий. Ісусе, Владико мой премилостивий; Ісусе, Спасе мой премилосердний. Ісусе, просвіти моя чувствія, потемненная страстьми; Ісусе, ісціли моє тіло острупленноє гріхми. Ісусе, очисти мой ум от помислов суєтних; Ісусе, сохрани сердце моє от похотей лукавих. Ісусе, Сине Божий, помилуй мя.

Кондак 12

Благодать подаждь ми всіх долгов Рішителю, Ісусе, і приіми мя, кающася, якоже приял єси Петра, отвергшагося Тебе, і призови мя, унивающаго, якоже древле Павла, гоняща Тя, і услиши мя, вопіюща Ти: Аллилуя.

Ікос 12

Поюще Твоє вочеловіченіє, восхваляєм Тя всі і віруєм с Фомою, яко Господь і Бог єси, сідяй со Отцем і хотяй судити живим і мертвим; тогда убо сподоби мя деснаго стоянія, вопіющаго: Ісусе, Цвіте благовонний, облагоухай мя; Ісусе, Теплото любимая, огрій мя; Ісусе, Храме предвічний, покрий мя; Ісусе, Одежде світлая, украси мя; Ісусе, Каменю драгий, просвіти мя; Ісусе, Солнце правди, освіти мя. Ісусе, Світе святий, облистай мя; Ісусе, болезні душевния і тілесния ізбави мя. Ісусе, із руки сопротивния ізми мя; Ісусе, огня неугасимаго і прочих вічних мук свободи мя; Ісусе, Сине Божий, помилуй мя.

Кондак 13

О, пресладкий і всещедрий Ісусе! Приіми нині малоє моленіє сіє наше, якоже приял єси вдовиці дві лепти; і сохрани достояніє Твоє от враг видимих і невидимих, от нашествія іноплеменник, от недуга і глада, от всякія скорбі і смертоносния рани, і грядущія ізми муки всіх, вопіющих Ти: Аллилуя, аллилуя, аллилуя.

(Цей кондак читається тричі).

І знову читається: Ікос 1: Ангелов Творче: і Кондак 1: Взбранний Воєводо.

Молитва Господу Ісусу Христу

Тебі, Господи, єдиному Благому і Непамятозлобному, ісповідую гріхи моя; Тебі припадаю, вопія недостойний: согріших, Господи, согріших, і нісм достоїн воззріти на висоту небесную от множества неправд моїх. Но, Господи мой, Господи, даруй ми слези умиленія, єдиний Блаже і Милостивий, яко да іми Тя умолю, очиститися прежде конца от всякаго гріха: страшно бо і грозно місто імам пройти, тіла разлучився, і множество мя мрачноє і безчеловічноє демонов срящет, і ніктоже в помош спутствуяй, іли ізбавляяй. Тім припадаю Твоєй благості, не предаждь обидящим мя, ніже да похвалятся о мні врази мої, Благий Господи, ниже да рекут: в руки наша пришел еси і нам предан єси. Ні, Господи, не забуди щедрот Твоїх і не воздаждь ми по беззаконієм моїм, і не отврати лица Твоєго от мене; но Ти, Господи, накажи мя, обаче милостію і щедротами, враг же мой да не возрадуєтся о мні, но угаси єго на мя прещенія і все упраздни єго дійство і даждь ми к Тебі путь неукорний, Благий Господи, занеже і согрішив, не прибігох ко іному врачу і не прострох руки моєя к богу чуждему. Не отрини убо моленія моєго, но услиши мя Твоєю благостію і утверди моє сердце страхом Твоїм; і да будет благодать Твоя на мні, Господи, яко огнь попаляяй нечистия во мні помисли. Ти бо єси, Господи, світ паче всякаго світа, радость паче всякія радості, упокоєніє паче всякаго упокоєнія, жизнь істинная і спасеніє, пребивающеє во віки віков. Амінь.

  1. Вельми, гірко. []

Можете використовувати такі теґи: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Будь ласка, не коментуйте з доменів mail.ru, yandex.ua/yandex.ru тощо. Ви не будете отримувати сповіщення про відповіді на відгуки. Не користуйтеся послугами країни-окупанта.


Пошук

Сторінки

Важливе

Останні відгуки

Канали RSS

Нагору