Вступні молитви
осо́б пíти Псалти́р
Благослове́н Бог наш, всегда́, ни́ні, і при́сно, і во вíки віко́в.
Моли́твами святи́х оте́ц на́ших, Го́споди Ісу́се Хри́сте, Бо́же наш, поми́луй нас. Амíнь.
Ца́рю небе́сний, Утiши́телю, Ду́ше íстини, íже вездí сий i вся iсполня́яй, Сокро́вище благи́х i жи́знi Пода́телю, прийди́ i всели́ся в ни, i очи́сти ни от вся́кiя скве́рни, i спаси́, Бла́же, ду́ші на́ша.
Трисвято́є: Святи́й Бо́же, Святи́й Крíпкий, Святи́й Безсме́ртний, поми́луй нас (тричi).
Сла́ва Отцу́, i Си́ну, i Свято́му Ду́ху ни́нi, i при́сно, i во вíки вiко́в. Амíнь.
Пресвята́я Тро́йце, поми́луй нас. Го́споди, очи́сти грiхи́ на́ша, Влади́ко, прости́ беззако́нiя на́ша, Святи́й, посiти́ i iсцiли́ не́мощi на́ша, íмене Твоє́го ра́ди.
Го́споди, поми́луй (тричi). Сла́ва Отцу́, i Си́ну, i Свято́му Ду́ху, i ни́нi, i при́сно, i во вíки вiко́в. Амíнь.
О́тче наш, íже єси́ на небесíх, да святи́тся iм’я́ Твоє́, да при́йдет Ца́рствiє Твоє́, да бу́дет во́ля Твоя́, яко на небесí, i на землí. Хлiб наш насу́щний даждь нам днесь i оста́ви нам долги́ наша, я́коже i ми оставля́єм должнико́м на́шим, i не введи́ нас во iскуше́нiє, но iзба́ви нас от лука́ваго.
Поми́луй нас, Го́споди, поми́луй нас, вся́каго бо отвíта недоумíюще, сíю Ти моли́тву, я́ко Влади́ці, грíшнії прино́сим: поми́луй нас.
Слава Отцу́, і Си́ну, і Свято́му Ду́ху.
Че́стноє проро́ка Твоє́го, Го́споди, торжество́, не́бо Це́рков показа́, с человíки лику́ют а́нгели; того́ моли́твами, Хри́сте Бо́же, в ми́рі упра́ви живо́т наш, да поє́м Ти: алилу́я.
І ни́ні, i при́сно, i во вíки вiко́в. Амíнь.
Мно́гая мно́жества мої́х, Богоро́дице, прегріше́ній, к Тебí прибіго́х, Чи́стая, спасе́нія тре́буя: посіти́ немощству́ющую мою́ ду́шу і моли́ Си́на Твоє́го і Бо́га на́шего да́ти ми оставле́ніє, я́же содíях лю́тих, єди́на Благослове́нная.
Го́споди, поми́луй 40 (разів). І поклони́ся, єли́ко ти мо́щно.
Всесвята́я Тро́їце, Бо́же і Содíтелю всего́ ми́ра, поспіши́ і напра́ви се́рдце моє́, нача́ти с ра́зумом і конча́ти дíли благи́ми богодухнове́нния сíя кни́ги, я́же Святи́й Дух усти́ Дави́дови отри́гну, ї́хже ни́ні хо́щу глаго́лати аз недосто́йний. Разумíя же своє́ невíжество, припада́я молю́ся Ти, і є́же от Тебе́ по́мощі прося́: Го́споди, упра́ви ум мой і утверди́ се́рдце моє́ не о глаго́ланії усте́н стужа́ти си, но о ра́зумі глаго́лемих весели́тися, і пригото́витися на творе́ніє до́брих діл, я́же учу́ся, і глаго́лю: да до́брими дíли просвіще́н, на су́дищі де́сния Ти стра́ни прича́стник бу́ду со всíми ізбра́нними Твої́ми. І ни́ні, Влади́ко, благослови́, да, воздохну́в от се́рдца, і язи́ком воспою́, глаго́ля си́це:
- Прийдíте, поклонíмся Царе́ві на́шему Бо́гу.
Прийдíте, поклонíмся і припаде́м Христу́, Царе́ві на́шему Бо́гу.
Прийдíте, поклонíмся і припаде́м Само́му Христу́, Царе́ві і Бо́гу на́шему.
Та́же посто́й ма́ло, до́ндеже ути́шатся вся чу́вства. Тогда́ сотвори́ нача́ло, не вско́рі, без лíности, со умиле́́нієм і сокруше́нним се́рдцем. Рці cíє: «Блаже́н муж…» ти́хо і разу́мно, со внима́нієм, а не борзя́ся, я́коже і умо́м разуміва́ти глаго́лемая.
